Komuna e Drenasit, shpreh mirënjohje të thellë për KRM ”Pastrimi” – Njësia Operative Drenas, menaxhmentin dhe punëtorët e saj, të cilët me përkushtim dhe në mënyrë vullnetare kanë kontribuar në pastrimin e tualeteve në Stacionin e Autobusëve në Drenas.
Ky akt tregon profesionalizmin dhe përkushtimin e tyre ndaj mirëmbajtjes së pastërtisë dhe përmirësimit të kushteve për qytetarët tanë.
Drejtoria e Shërbimeve Publike dhe Emergjencë ju bën thirrje të gjithë qytetarëve që të tregojnë kujdes maksimal për mirëmbajtjen e tualeteve publike në Stacionin e Autobusëve dhe hapësirave të tjera të përbashkëta.
Pastrimi dhe mirëmbajtja janë përpjekje të përbashkëta. Respektimi i këtyre hapësirave ndihmon në krijimin e një mjedisi të pastër dhe të rehatshëm për të gjithë.
Të bashkohemi në këtë qëllim, sepse pastërtia është pasqyrë e qytetërimit tonë!
Faleminderit që jeni shembull i bashkëpunimit dhe solidaritetit në shërbim të qytetarëve!
