DRENAS/FIRENCE – Dr. Haki Jashari nga Drenasi po merr pjesë në konferencën prestigjioze ndërkombëtare që po zhvillohet në Firence të Italisë, e cila i është kushtuar zhvillimeve të reja në trajtimin e Distrofisë Muskulare Duchenne (DMD).
Konferenca me temën “Duchenne Muscular Dystrophy in 2030 – Gene Therapies, Precision Medicine, and Beyond” ka mbledhur ekspertë të njohur dhe profesionistë shëndetësorë nga vende të ndryshme të botës, të cilët po diskutojnë për avancimet më të fundit në terapitë gjenike, mjekësinë precize dhe metodat inovative për trajtimin e kësaj sëmundjeje të rrallë.
Pjesëmarrja e Dr. Haki Jasharit në këtë ngjarje shkencore ndërkombëtare vlerësohet si një hap i rëndësishëm në ndjekjen e zhvillimeve të reja në fushën e mjekësisë dhe në përkushtimin për përmirësimin e kujdesit shëndetësor.
Konferenca po shërben si një platformë për shkëmbimin e njohurive dhe për prezantimin e qasjeve të reja që synojnë avancimin e trajtimeve për pacientët e prekur nga DMD.
