Shqiptarët e Luginës së Preshevës kanë protestuar dje në Bujanoc kundër politikës shtypëse të Beogradit dhe shkeljes së të drejtave elementare të tyre të jetesës në Serbi.
Një ditë pas kësaj proteste e cila përfundoi e qetë, ata kanë përfunduar kërcënime.
Kjo u bë e ditur nga kryetari i Këshillit Kombëtar Shqiptar, Nevzad Lutfiu.
Ai njoftoi se në Shtëpinë e Shëndetit në Bujanoc është shkruar një grafit “vdekje shqiptarëve”.
“Në oborrin e Shtëpisë së shëndetit në Bujanoc gjatë ditës së sotme, qytetarët e kanë parë këtë grafit “vdekje shqiptarëve”. Ftoj organet e rendit që ta zbulojnë autorin dhe të merren masat”, ka shkruar Lutfiu në Facebook.
Në protestën e djeshme ishin edhe fytyra të shumta publike të cilët përfaqësojnë shqiptarët e Luginës.
“Kthema adresën”, “Duam libra shqip”, “Dija nuk nostrifikohet”, “Të shtypur po, të nënshtruar jo”, ishin disa nga pankartat që protestuesit kanë mbajtur në duar.
