Kjo ngjarje është realizuar në Qendrën e Stërvitjes Profesionale të Komandës së Doktrinës dhe Stërvitjes
Forca e Sigurisë së Kosovës, të premten, ka realizuar kursin “Udhëheqës i Poligonit dhe Mbikëqyrës i Vijave të Zjarrit”.
Kjo ngjarje është realizuar në Qendrën e Stërvitjes Profesionale të Komandës së Doktrinës dhe Stërvitjes.
“Ky kurs ka për qëllim trajnimet e specializuara për udhëheqësit dhe mbikëqyrësit në operacionet e poligoneve dhe menaxhimin e vijave të zjarrit, duke siguruar një nivel të lartë të gatishmërisë dhe sigurisë në terren”, thuhet në njoftimin e Forcës së Sigurisë së Kosovës.
Ky trajnim, sipas FSK-së, është një hap i rëndësishëm në ngritjen e kapaciteteve profesionale, duke kontribuar në sigurimin e një ambienti të sigurt dhe efikas gjatë ushtrimeve dhe trajnimeve në poligonet e stërvitjes.
“Komanda e Doktrinës dhe Stërvitjes do të vazhdojë përpjekjet e saj për ofrimin e trajnimeve të nivelit profesional, me qëllim rritjen e profesionalizmit dhe gatishmërisë në përballimin e detyrave ushtarake”, thuhet ndër të tjera në njoftim.
