Komuna e Drenasit përmes Drejtorisë Komunale të Arsimit (DKA), me krenari njofton se katër nxënës të shkëlqyer nga shkollat tona janë përzgjedhur për të përfaqësuar komunën në fazën e katërt të “Olimpiadës së përbashkët të gjuhës shqipe me nxënësit e klasave të 9-ta”, që do të mbahet në nivel ndërshtetëror mes Republikës së Kosovës dhe Shqipërisë, më datë 10.04.2025 në shtetin amë, Shqipëri.
✍️
Nga gjithsej 39 nxënës të përzgjedhur nga mbarë Kosova, 4 prej tyre vijnë nga Komuna jonë:
⭐ Eltina Buzaku
⭐ Arianit Leku
⭐ Alketa Ibriqi
⭐ Elona Podrimqaku
Ky është një tregues i nivelit të lartë të përkushtimit dhe punës së palodhshme të nxënësve, mësimdhënësve dhe të gjithë stafit arsimor në Komunën e Drenasit.
DKA falënderon dhe përgëzon të gjithë të përfshirët për këtë arritje të rëndësishme dhe u uron nxënësve suksese të mëtejme edhe në fazën e ardhshme të olimpiadës!
Së bashku për një arsim cilësor dhe të suksesshëm!
📖
#Drenasi #Arsimi #Sukseset #Olimpiada2025 #Krenari
🇽🇰❤️🇦🇱
