Albin Kurti iu drejtua me kërkesë Bedri Hamzës për qëndrimin në seancë të deputetëve të PDK-së, në momentin kur Grupi Parlamentar i partisë së Hamzës po e braktiste seancën konstituive të premten.
Pamjet nga kuvendi, të publikuara nga portali Indeksonline, tregojnë Kurtin derisa zhvillon një komunikim të shkurtër me homologun e tij nga PDK.
“Rrini bre..”, citohet t’i thotë Kurti, Hamzës.
PDK vendosi të lëshojë mbledhjen e sotme konstituive të Kuvendit të Kosovës pas refuzimit të Lëvizjes Vetëvendosje për t’i dhënë mbështetje propozimit të tyre për nënkryetar të Kuvendit.
Vetëvendosje nuk e përkrahu me votë propozimin e Vlora Çitakut për pozitën e nënkryetares.
