Nënkryetari i Komunës së Skenderajt, Sami Lushtaku, e ka krahasuar kryeministrin Albin Kurti me ish-kasapin e Ballkanit, Sllobodan Millosheviq.
E ky krahasim ka ardhur si pasojë e pakënaqësisë së Lushtakut me ndarjet buxhetore për vitin 2024.
Nënkryetari i Skenderajt, i cili vjen nga Partia Demokratike e Kosovës, e sheh absurde mospërkrahjen e Qeverisë për vitin 2014. Thotë se vetëm nën udhëheqjen e Kurtit e Millosheviqit nuk është përkrahur Skenderaj.
“Nuk e di kush është në pushtet, nuk e di a është Jugosllavia a është Albini, prandaj kësi lloje situatash kemi parë veç në ish-sistemin e Millosheviqit. Nuk ka ndodhur asnjëherë që një komunë të këtë zero investim, prandaj Albinin e shoh gati njësojë si Milloshoviqin. Unë Albinin e shoh më shumë sesa rival politik, e diskriminon një komunë siç është komuna e Skenderajt, është vërtet për keqardhje për kryeministrin që e drejton një vend”, tha Lushtaku për EO-në.
