Sot në ambientet e shkollës “Xheladin Gashi-Plaku” u mbajt një ndër ngjarjet më të veçanta dhe emocionuese të këtij viti shkollor, Festa e Abetares, ku fëmijët e klasës së parë shkëlqyen në çdo prezantim, duke treguar me krenari dhe gëzim se tashmë janë bërë nxënës të vërtetë!
Me një program të pasur dhe të kuruar në detaje, të mbushur me këngë, poezi dhe skeçe, nxënësit sollën emocione të forta, buzëqeshje dhe duartrokitje të pandërprera nga të pranishmit.
✨ Padyshim që meritat më të mëdha për këtë organizim të shkëlqyer i takojnë mësueses Merrushe Gjoshi, e cila me përkushtim, dashuri dhe kreativitet të pashoq, në bashkëpunim të ngushtë me prindërit, arriti të realizojë një shfaqje për t’u mbajtur mend gjatë.
Një falënderim i madh për të gjithë prindërit që u angazhuan dhe qëndruan afër fëmijëve në këtë rrugëtim të parë të dijes. Kjo ditë është dëshmi se kur bashkëpunimi mes shkollës dhe familjes është i fortë, rezultatet janë gjithmonë të mrekullueshme.
Urime të gjithëve për këtë arritje të parë, dhe një urim i veçantë për vogëlushët tanë, rruga e dijes sapo ka filluar, dhe ne jemi krenarë për ju!
#FestaeAbetares #ShkollaXheladinGashiPlaku #Komoran #Mirënjohje #MësueseMerrusheGjoshi #KrenarMeNxënësitTanë
