Një ngjarje e rëndë ka ndodhur në Bjeshkët e Deçanit, ku një person derisa kishte dalë për të mbledhur çaj e ka gjetur vdekjen.
Rastin tragjik e ka konfirmuar Policia e Pejës.
Fadil Gashi, zëdhënësi i Policisë në Pejë ka deklaruar se rasti po cilësohet si ‘hetim i vdekjes’.
“Rasti është lajmëruar mbrëmë në orët e vona nga familjarët se ai kishte dalur edhe nuk ishte kthyer. Menjëherë kërkimi ka nisur nga ekipet e kërkim-shpëtimit, gjegjësisht policia dhe shoqatat që merren me këtë. Pas disa orë kërkimesh, trupi i pajetë i viktimës është gjetur sot rreth orës 6:00 të mëngjesit”, tha Gashi.
“Në vendin e ngjarjes ka dal edhe prokurori dhe me vendim të tij trupi i pajetë i viktimës është dërguar për obduksion”.
Mësohet se tashmë i ndjeri, kishte dalë për për të mbledhur çaj në atë zonë ku sidomos çaji i bjeshkës është mjaft i njohur për zonën e Deçanit me rrethinë.
