Një aksident i rëndë trafiku ka ndodhur sot në Komoran, ku dyshohet se ka mbetur një person i vdekur.
Sipas informacioneve të para, aksidenti ka përfshirë dy automjete dhe një motorr, aksidenti është shkaktuar rreth orës 14:30 afër Postës në Komoran.
Policia e Kosovës ka mbërritur në vendin e ngjarjes dhe ka bllokuar qarkullimin për të lehtësuar punën e ekipeve hetimore.
Ndërkohë, pritet konfirmimi zyrtar nga autoritetet për të përcaktuar shkakun e aksidentit dhe identitetin e viktimës së dyshuar.
Njësitë e trafikut dhe njësitë hetimore janë duke punuar në vendngjarje për të sqaruar rrethanat dhe për të bërë matjet e nevojshme.
Ky është një lajm në zhvillim dhe do të vazhdojmë t’ju mbajmë të informuar me detaje të reja sapo ato të jenë të disponueshme.
