Policia ka dhënë detaje të reja për rastin e lëndimit trupor dhe armëmbajtjes pa leje që ka ndodhur në rrugën Antigona Fazliu në Drenas.
Të mërkurën është paraqitur në stacion një person nga Drenasi, i cili ka dorëzuar një pistoletë me tre fishekë. Sipas hetimeve, kjo armë dyshohet se është përdorur në incidentin e 13 tetorit, rreth orës 19.
Personi është arrestuar dhe me vendim të prokurorit është dërguar në mbajtje.
Policia ka bërë të ditur se hetimet për rastin po vazhdojnë.
