Një grua është arrestuar nga Policia e Kosovës në fshatin Abri e Poshtme të Skenderajt, nën dyshimin se ka shkelur urdhrin mbrojtës të lëshuar nga gjykata ndaj një mashkulli.
Sipas raportit zyrtar të Policisë së Kosovës, rasti ka ndodhur më 2 nëntor 2025, rreth orës 08:00.
E dyshuara, pas intervistimit, me vendim të prokurorit është dërguar në mbajtje. Më pas, me rekomandim të mjekut kujdestar, ajo është transferuar për trajtim në QKUK – Psikiatri.
Hetimet për rastin janë duke vazhduar nga organet kompetente.
- Advertisement -
