Me emocion të thellë dhe respekt për kontributin e tij të palëkundshëm në shërbim të vendit, pensionohet Rreshter Major Bekim Zogaj nga Komorani.
Si një ish-pjesëtar i Ushtrisë Çlirimtare të Kosovës, më pas si pjesë e TMK-së dhe sëfundmi pjestarë i Forcës së Sigurisë së Kosovës, Zogaj ka shërbyer me guxim dhe devotshmëri të jashtëzakonshme.
Gjatë gjithë karrierës së tij, Rreshter Major Zogaj ka treguar përse duhet të konsiderohet një udhëheqës shembullor. Me profesionalizmin dhe vendosmërinë e tij, ai ka qenë një burim frymëzimi për të gjithë bashkëluftëtarët dhe kolegët e tij. Kontributi i tij në rrugën drejt lirisë dhe pavarësisë së Kosovës është i pakrahasueshëm dhe do të mbetet gjithmonë në memorien tonë kombëtare.
Falënderim për Rreshter Major Bekim Zogaj për gjithë sakrificën dhe përkushtimin e tij ndaj lirisë së vendit tonë. Dhe në këtë ditë të veçantë të pensionimit, ne e nderojmë atë për shërbimin e jashtëzakonshëm dhe për dedikimin ndaj vlerave të lirisë dhe demokracisë. Shërbimi i tij do të mbetet një shembull frymëzimi për brezat e ardhshëm të luftëtarëve dhe patriotëve të Kosovës.
Ne ju urojmë Rreshter Major Zogaj një pensionim të lumtur dhe të qetë, i mbushur me mirësi dhe suksese në të gjitha fushat e jetës tuaj të ardhshme.
