Kryeministri, Albin Kurti ka folur më shumë rreth krimeve të luftës se vitit 1999 në Kosovë, gjatë një fjalimi në mbledhjen e Këshillit të Përgjithshëm të Lëvizjes Vetëvendosje.
Kurti ka bërë të ditur se gjatë mandatit është themeluar Instituti i Krimeve të Kryera gjatë luftës në Kosovë.
“Për të dokumentuar krimet e luftës, krimet kundër njerzimit dhe veprimet gjenocidale të serbisë kemi themeluar institutin e krimeve të kryera gjatë luftës në Kosovë. Ne po angazhohemi që të bëjmë më të mirën që mundemi e dijmë që të adresojmë atë që ka ndodhur gjatë luftës në Kosovë,” ka thënë Kurti
Tash e 5 vite Kurti tha se është mundësuar gjykimi në mungesë të kriminelëve të luftës.
“Që në vitin 2019 e kemi mundësuar gjykimin në mungesë të kriminelëve të luftës.”
Sipas tij me urgjencë duhet të adresohen krimet e luftës.
“Në maj bëhen 5 vjet që kjo është kryer, gjatë këttij mandati kemi bërë ndryshimet e nevojshme ligjore që kriminelet serb të luftës të përballen me drejtësi, sistemi ynë I drejtësisë duhet ti adresojë me urgjencë këto raste nuk mund të ketë amnesti për krimet e kryera nga Serbia gjatë luftës në Kosovë dhe kto janë krime që nuk vjetrohen asnjëhere,” tha Kurti.
Për masakrat e bëra anembanë Kosovës, sipas Kurtit duhen ndëshkuar kriminelët megjithëse mungojnë aktakuzat.
“Pavarësisht kësaj njerëzit kanë moshë gjithnjë më të shtyer dhe janë humbje të pakomensueshme vdekjet e dëshmitarëve gjatë këtyre viteve të cilët kanë qenë të mbijetuar të këtyre qindrave masakrave anëembanë Kosovës. Tash kemi vetëm deklaratat e tyre dhe evidencat materiale por jo edhe ata vetë, ndërkohë që mungojnë aktakuzat proceset gjyqsore dhe ndëshkimet për kriminelët,” u shpreh Kurti.
Ndërkaq Kurti përmendi edhe 25 vjetorin e ditës memoriale të të mbijetuarave të dhunës seksuale.
