Fluksi i qytetarëve është zmadhuar dukshëm në aeroportin e Prishtinës ku në numra të mëdhenj shtetasit kosovarë ia kanë mësyer udhëtimit në vendet perëndimore pas heqjes së regjimit të vizave për në zonën Schengen.
Gazetarja e Nacionales, Anita Nikaj, raporton nga aeroporti se udhëtarëve u është thënë nga zyrtarë të aeroportit që të arrijnë me nga dy orë më herët.
Gazetarja Nikaj po ashtu kupton se – si pasojë e këtij vëllimi qytetarësh – jo pak kujt i ka ndodhur që edhe t’u ik fluturimi.
