Një aksident i rëndë trafiku ka ndodhur sot në afërsi të vendit të njohur si “Kroni i Mbretit” në Korroticë. Si pasojë e përplasjes së automjeteve, tre persona kanë mbetur të lënduar.
Policia dhe ekipet e emergjencës kanë mbërritur menjëherë në vendngjarje për të ofruar ndihmë të shpejtë dhe për të kryer hetimet e nevojshme. Të lënduarit janë dërguar me urgjencë në spital.
Shkaku i aksidentit është ende i paqartë, por hetimet janë në vazhdim për të zbardhur rrethanat e ngjarjes.
Policia apelon për kujdes të shtuar në trafik dhe respektim të rregullave të qarkullimit rrugor.
