Ka vdekur njëri nga ish-ushtarët më të dalluar të UÇK-së, Liman Musliu.
I ndjeri ishte pjesë e njësitit “Tigrat e Zi” gjatë luftës së UÇK-së, shkruan Jepi zë.
Lajmin e ka konfirmuar hoxha Osman Musliu, i cili tha se dhimbja është e madhe.
“Të Zotit jemi dhe tek Ai do të kthehemi!
Të dashur familjar, miq e dashamirë, ju lajmërojmë së vllau ynë e luftëtari i lirisë së Kosovës, Limani para disa orëve ka ndërruar jetë. Dhimbja asht e madhe, e lusim Zotin që ta merr në rahmetin e tij e neve ishalla na forcon e na çon sabrin!
Varrimi asht ditën e hanë! Për orën e saktë do ju lajmërojmë me kohë”, ka shkruar Mulla Osmani.
Tashmë i ndjeri humbi jetën tragjikisht pasi ra nga një lartësi në vendin që po punonte. Rastin e ka konfirmuar edhe Policia.
Musliu gëzonte respekt të madh tek qytetarëte bashkëluftëtarët, sepse përveç kontributit të madh në luftë, ai ishte njeri që i respektonte të gjithë.
Kohën e fundit ishte duke punuar në FSK në kuadër të stafit civil, duke vazhduar dashurinë për uniformën ushtarake.
