Një person i kërkuar nga organet e drejtësisë është arrestuar të martën në Drenas nga Policia e Kosovës.
Sipas policisë, arrestimi është realizuar më 20 tetor 2026, në bazë të një urdhërese të lëshuar nga Gjykata Themelore në Prishtinë.
“Në bazë të urdhëresës së lëshuar nga Gjykata Themelore në Prishtinë, është arrestuar i kërkuari mashkull kosovar dhe i njëjti është dërguar në vuajtje të dënimit”, thuhet në njoftimin e Policisë.
Policia nuk ka dhënë detaje të tjera lidhur me identitetin e personit të arrestuar apo veprën penale për të cilën ai ishte dënuar.
