Një aksident i rëndë trafiku në Komoran ka përfunduar me pasoja tragjike, ku një vajzë ka humbur jetën, ndërsa tre persona të tjerë kanë mbetur të lënduar.
Aksidenti ka ndodhur në orët e hershme të mëngjesit, në afërsi të nënkalimit për këmbësorë pranë marketit Viva, në zonën e udhëkryqit të vjetër.
Të lënduarit janë dërguar për trajtim mjekësor dhe, sipas informacioneve të para, ndodhen jashtë rrezikut për jetën.
Në vendin e ngjarjes kanë dalë ekipet kompetente, ndërsa njësia e Hetimeve të Trafikut ka nisur hetimet për të zbardhur rrethanat dhe shkaqet e këtij aksidenti me pasoja të rënda.
