Një person është arrestuar në orët e para të ditës së sotme në Skenderaj, pasi i njëjti dyshohet se i ka vënë flakën dhomës së banesës ku po qëndronte.
Burimet e Gazetës Sinjali kanë bërë me dije se njësitë relevante kanë dalë në vendin e ngjarjes, me ç’rast ekipi i zjarrfikësve kanë arritur që ta lokalizojnë zjarrin.
Njësitë policore kanë kryer të gjitha ekzaminimet e nevojshme në vendin e ngjarjes, ndërkohë 47-vjeçari është shoqëruar në stacion policor për intervistim.
Pas përfundimit të procedurave policore, Prokurori i Shtetit ka urdhëruar që i dyshuari të dërgohet në mbajtje dhe i njëjti do të hetohet nën dyshimet për kryerjen e veprës penale ‘Shkaktim i rrezikut të përgjithshëm’.
