𝗠𝗯𝗮𝗵𝗲𝘁 𝗽𝗷𝗲𝘀𝗮 𝗲 𝗱𝘆𝘁𝗲̈ 𝗲 𝗧𝗲𝘀𝘁𝗶𝘁 𝘁𝗲̈ 𝗔𝗿𝗿𝗶𝘁𝘀𝗵𝗺𝗲̈𝗿𝗶𝘀𝗲̈, 𝗻𝗲̈ 𝗞𝗼𝗺𝘂𝗻𝗲̈𝗻 𝗲 𝗗𝗿𝗲𝗻𝗮𝘀𝗶𝘁, 𝗷𝘂 𝗻𝗲̈𝗻𝘀𝗵𝘁𝗿𝘂𝗮𝗻 𝘁𝗲𝘀𝘁𝗶𝘁 𝟴𝟲𝟳 𝗻𝘅𝗲̈𝗻𝗲̈𝘀

Sot në Komunën e Drenasit u zhvillua Testi i Arritshmërisë për këtë vit. Ky test u organizua në bashkëpunim me Ministrinë e Arsimit dhe ka për qëllim vlerësimin e nivelit të dijes dhe aftësive të nxënësve.

Drejtori i Drejtorisë së Arsimit në Komunën e Drenasit, Muhamet Gjoka, së bashku me bashkëpunëtorë vizitoi shkollat në të cilat u zhvillua Testi i Arritshmërisë ku u njoftua se i gjithë procesi shkoi në rregull dhe pa asnjë problem të mundshëm.

Këtë vit nga Komuna e Drenasit ju nënshtruan testit 867 nxënës, ku ditën e sotme ishte pjesa e dytë e këtij testi. Komuna e Drenasit është angazhuar që niveli i dijes së nxënësve të rritet e si rrjedhojë të mos mungojnë sukseset në vlerësimet e nxënësve tanë.