Ashtu sikurse herave tjera, edhe kësaj radhe, mërgimtari Ismet Bytyqi, nga Fushtica e Epërme, i dhuroj Qendrës së Mjekësisë Familjare në Komoran, dy karroca për pacient invalidor si edhe instrumente kirurgjikale për pastrimin e plagëve.
Dhurimin e këtyre pajisjeve e përcolli nga afër edhe Drejtoresha e Drejtorisë për Shëndetësi dhe Mirëqenie Sociale të Komunës së Drenasit, Lumnijke Krapi.
Znj. Krapi, duke qenë falënderuese ndaj këtij akti kaq të çmueshëm, ndër tjerash tha: “Me këtë rast, dëshirojmë të shprehim mirënjohjen tonë ndaj një donatori kaq të përkushtuar, siç është z. Ismet Bytyqi, i cili me zemërgjerësinë e tij ka dhuruar shumë herë donacione të çmuara. Për kontributin e tij jashtëzakonisht të çmuar dhe të dobishëm, Komuna e Drenasit, njëherësh Drejtoria për Shëndetësi dhe Mirëqenie Sociale, është e përkushtuar për t’i shprehur falënderimet e saj përmes fjalëve të paharrueshme. Ndihma dhe mbështetja e tij ka ndikuar pozitivisht në të mirën e përgjithshme ndaj shërbimit me qytetarë”.
