Ndryshime në Orarin e Grumbullimit të Mbeturinave nga KRM “Pastrimi”
Kompania Rajonale e Mbeturinave “Pastrimi” ka njoftuar se do të zbatojë vendimin e Ministrisë për të ndryshuar orarin e punës për të evituar ekspozimin e punëtorëve në pikun e ditës ku temperaturat janë tejet të larta.
Sipas këtij vendimi, punëtorët e kompanisë do të angazhohen për grumbullimin e mbeturinave në dy turne: nga ora 6:00 e mëngjesit deri në 11:00 dhe nga ora 17:00 deri në 24:00.
Qytetarët janë të obliguar të vendosin shportat e tyre të mbeturinave para hyrjeve të tyre gjatë këtyre orareve për të marrë shërbimin e grumbullimit.
Ky ndryshim është bërë për të ruajtur shëndetin e punëtorëve sipas vendimit të Ministrisë si dhe për të siguruar që të gjitha mbeturinat të grumbullohen në kohë të përshtatshme për qytetarët dhe për kompaninë.
